Pieršyja bai samaj kryvavaj vajny VKŁ suprać Maskvy — tema čarhovaha pasiadžeńnia Cecha žyvoj historyi
Cech žyvoj historyi zaprašaje na lekcyju «Škłoŭ i Šapialevičy. 1654 hod. Pieramoha i paraza». Niefarmalnaje biełaruskaje abjadnańnie biełaruskich vajennych historykaŭ, amataraŭ historyi i vajenna-histaryčnaj rekanstrukcyi praviadzie adkrytuju sustreču, jakaja pryśviečanaja pieršym miesiacam vajny 1654—1667 hadoŭ na terytoryi sučasnaj Biełarusi.
Lekcyja historyka Artura Juškieviča budzie pryśviečanaja dźvium batalijam — pry Škłovie i Šapialevičach. Kali padčas pieršaj vojsku Vialikaha Kniastva Litoŭskaha ŭdałosia nienadoŭha zatrymać voraha, to druhaja mieła katastrafičnyja nastupstvy i pryviała da praciahłaj akupacyi vializarnaj terytoryi dziaržavy.
Daniel Albrychski ŭ roli Andžeja Kmicica ŭ filmie «Patop».
Pratatypam Kmicica byŭ hieroj 13-hadovaj vajny pałkoŭnik aršanski charunžy Samuił Kmicič. Historyk spynicca na tym, jak zvyčajnyja haradžanie supraciŭlalisia vorahu, na prykładach hieraizmu, jakija ŭ toj trahičny čas prajavili vajskoŭcy i cyvilnyja pierad abliččam značna bolš šmatlikich siłaŭ praciŭnika. Viadoŭca — kandydat histaryčnych navuk Mikałaj Płavinski.
Sustreča adbudziecca 29 žniŭnia ŭ 19.00 u bary Beer&Wine (Minsk, vuł.Kulman, 9). Telefon dla daviedak: +375 33 6611432.