Žychar Navapołacka zvaliŭsia z vysakavoltnaha słupa, sprabujučy zrabić sełfi
Małady žychar Navapołacka zahinuŭ u vyniku paražeńnia tokam i padzieńnia z vysakavoltnaha słupa. Pavodle adnoj ź viersij, chłopiec zalez tudy ŭ sprobie zrabić ekstremalnaje sełfi, paviedamiła BIEŁTA aficyjny pradstaŭnik upraŭleńnia Śledčaha kamiteta pa Viciebskaj vobłaści Śviatłana Sacharava.
Trahiedyja adbyłasia na bierazie raki Zachodniaja Dźvina 19 žniŭnia. «Troje siabroŭ adpačyvali razam, u niejki momant adzin ź ich — 21-hadovy chłopiec — adłučyŭsia. Praz paru chvilin jany pačuli tresk elektryčnaści i paśpieli zaśpieć padzieńnie chłopca z vysakavoltnaha słupa. Navat było nievialikaje ŭzharańnie. Małady čałaviek pamior na miescy ad elektryčnaha toku, a taksama atrymaŭšy traŭmy pry padzieńni z vyšyni», — patłumačyła Śviatłana Sacharava.
Śledstva razhladaje jak adnu ź viersij toje, što chłopiec mieŭ namier zrabić ekstremalnaje sełfi. U ruce ŭ jaho byŭ zacisnuty apłaŭleny mabilny telefon. Što mienavita zahinuły rabiŭ ź im da trahiedyi (telefanavaŭ abo fatahrafavaŭ), vyśvietlić ekśpiertyza. Taksama pryznačanaja sudmiedekśpiertyza, jakaja vyznačyć pryčynu śmierci i ci byŭ zahinuły pjany ŭ toj momant. Adnak pry ahladzie miesca zdareńnia i apytańni kampanii śledčyja nie vyjavili mocnych śpirtnych napojaŭ, abodva siabra nie vyhladali pjanymi.