Śledčyja raskryli zabojstva 15-hadovaj daŭniny: praŭda, zabojca paśpieŭ pamierci ŭ kałonii
U kancy sakavika 2003 hoda ŭ padvale minskaj kaviarni znajšli cieła 58-hadovaha mužčyny, vartaŭnika, z prykmietami hvałtoŭnaj śmierci.
Raspačali kryminalnuju spravu, ale zabojcu tak i nie znajšli.
Znoŭ spravu adnavili ŭ 2011 hodzie, kali pastupiła infarmacyja ab supadzieńni śladoŭ ruk ź miesca zdareńnia sa śladami ruk mužčyny, jaki pamior u papraŭčaj kałonii ŭ 2005 hodzie va ŭzroście 42 hadoŭ.
Źniavolenyja, ź jakimi padazravany adbyvaŭ pakarańnie raspaviali, što mužčyna nie chavaŭ historyju pra zabojstva.
«Padčas adnoj z razmoŭ źniavolenyja ŭ kałonii pačali adkryta raskazvać adzin adnamu ab učynienych złačynstvach, padazravany raspavioŭ, što jon ździejśniŭ zabojstva. Mužčyny ŭsurjoz nie ŭspryniali słovy padazravanaha i vyrašyli, što jon ich praviaraje», - paviedamlajuć śledčyja.
Ekśpiertyza pakazała — ślady ruk sapraŭdy naležali pamierłamu mužčynu. Takim čynam, sprava była zakryta.