Kolki čałaviek pretenduje na vakansiju ŭ NN pa pracy ź videa
Pa stanie na hety momant 41 čałaviek padali zajaŭki na vakansiju ŭ «Našaj Nivie» pa pracy ź videa. Siarod pretendentaŭ jość i viadomyja ludzi, znanyja reparciory. Uściešna, što hetulki ludziej chacieli b pracavać u «Našaj Nivie», a, značyć, vierać u nas.
Padčas minułaha konkursu, kali my šukali žurnalista na žanočuju tematyku, było 24 kandydaty, i my vybrali Kaciu Karpickuju. Materyjały i styl jaje vy, biezumoŭna, za hety čas užo zaŭvažyli.
Niaprosta rabić vybar, kali stolki kandydataŭ. Pry takim vale my nie možam navat adkazać na ŭsie vašy ŭdakładniajučyja pytańni. My tolki starajemsia vybrać taho, dla kaho, na našu dumku, taja vakansija najlepš adpaviadaje, chto budzie na svaim miescy i na svajoj darozie.
Što ŭ nas jašče jość z vakansij na siońnia? Sioleta my ŭvieś čas nabirajem novych mieniedžaraŭ pa prodažach i markietołahaŭ. Pavieličeńnie prodažaŭ rekłamy — pieradumova raźvićcia. Tamu kali chto adčuvaje ŭ sabie biznes-žyłku i, adnačasova, maje žadańnie pracavać u maładym i viasiołym biełaruskamoŭnym kalektyvie, pišycie na nn@nn.by, prabivajciesia.