U Maskvie na pierachodzie aŭtamabil źbiŭ biełarusku i jaje 10-hadovaha syna: žančyna zahinuła
aściarožna, žorstkaje videa
U Maskvie pad koły aŭtamabila trapiła biełaruska i jaje 10-hadovy syn. Žančyna zahinuła, dzicia ŭ špitali. Śmiarotny najezd zafiksavała kamiera videarehistratara.
Na zapisie vidać, što aŭtamabil ruchaŭsia na vysokaj chutkaści. Jon nalacieŭ na aharodžu, źbiŭ piešachodaŭ, jakija pierachodzili darohu na zialony sihnał śviatłafora, i vylecieŭ na hazon.
Jak paviedamili ŭ pres-słužbie ŭpraŭleńnia HIBDD, avaryja adbyłasia ranicaj 27 žniŭnia na Ałtufjeŭskaj šašy. Za rulom «Chionde» znachodziŭsia 46-hadovy mužčyna.
U vyniku DTZ 44-hadovaja žančyna ad atrymanych traŭmaŭ pamierła na miescy zdareńnia, jaje syn u ciažkim stanie špitalizavany.
Pavodle infarmacyi, haziety «Moskovskij komsomolec», zahinułaja — žycharka Homiela. Jana razam z synam pryjechała ŭ Maskvu, kab naviedać baćku dziciaci. Taksama vydańnie paviedamlaje, što z kiroŭcam lehkavuški byli kanvulsii — mierkavana, u jaho zdaryŭsia prystup epilepsii.