Dalaravy zarobak va Ukrainie za hod vyras bolš čym na 30%
Siaredni zarobak va Ukrainie (za vyniatkam akupavanych terytoryj) u lipieni 2017 hoda skłaŭ 7339 hryŭniaŭ. Heta $283 u ekvivalencie.
Adznačym, što za hod zarobak u hryŭniach vyras na 36,6%. Pry hetym za toj čas ukrainskaja valuta devalvałasia ŭ adnosinach da dalara na 4,6%.
Pry hetym Ukraina pa-raniejšamu ličycca samaj biednaj krainaj Jeŭropy, choć i imkliva skaračaje adryŭ ad Małdovy.
Razam z tym, ekanomika Ukrainy maje vielizarny «šery» składnik. Zarobki ŭ kanviertach aficyjnaja statystyka, zrazumieła, nie ŭličvaje.
Kali ŭličyć «niefarmalnyja» zarobki, dachody ŭkraincaŭ, imavierna, paraŭnalisia z dachodami biełarusaŭ.