Siaredni zarobak u Estonii vyras da 1 050 jeŭra čystymi
Heta ŭ try razy vyšej, čym u Biełarusi.
Fota Iryny Arachoŭskaj
Siaredni miesiačny bruta-zarobak u druhim kvartale skłaŭ u Estonii 1242 jeŭra, što na 6,8% bolš, čym u tym ža pieryjadzie minułaha hoda, śviedčać źviestki Departamienta statystyki. Pry hetym na ruki rabotnik atrymlivaŭ u siarednim 1001 jeŭra ŭ miesiac u druhim kvartale, paviedamlaje err.ee.
Adznačym, što padachodny padatak składaje ŭ Estonii 20%.
Pahadzinny bruta-zarobak vyras u druhim kvartale na 8,5% da 7,5 jeŭra.
Realnaja zarpłata, jakaja ŭličvajecca z upłyvam indeksa spažyvieckich cen i jakaja ŭkazvaje na faktyčnuju pakupnickuju zdolnaść, vyrasła ŭ druhim kvartale na 3,7%. Jaje bolš pavolny rost abumoŭleny pavyšeńniem cen na spažyvieckija tavary.
Siaredniamiesiačnaja zarpłata bruta składała ŭ krasaviku 1120 jeŭra (896 jeŭra), u mai — 1201 (960 jeŭra čystami), a ŭ červieni — užo 1311 jeŭra (abo 1048 jeŭra čystymi).
U Biełarusi siaredni zarobak za lipień skłaŭ 827,5 rubla «brudnymi» (heta — 368 jeŭra «brudnymi», abo prykładna 320 jeŭra «čystymi»).