ZŠA zapatrabavali zakryć rasijskaje konsulstva ŭ San-Francyska
ZŠA zapatrabavali zakryć hienieralnaje konsulstva Rasii ŭ San-Francyska ŭ adkaz na abmiežavańnie kolkaści supracoŭnikaŭ amierykanskaj dypmisii ŭ Rasii, paviedamlaje VVS.
Akramia taho, pa patrabavańni amierykanskaha boku pavinny być zakrytyja dva rasijskija konsulskija abjekty ŭ Vašynhtonie i Ńju-Jorku.
U dziaržaŭnym departamiencie zajavili, što rašeńnie pryniataje «na pryncypach parytetu», dadaŭšy, što zakryćcio pavinna być zavieršanaje da suboty.
Jak paviedamili ŭ ministerstvie zamiežnych spraŭ Rasii, dziaržsakratar ZŠA Reks Tylersan patelefanavaŭ kiraŭniku rasijskaha dypviedamstva Siarhieju Łaŭrovu, kab paviedamić jamu ab dadatkovych abmiežavańniach dziejnaści rasijskich dypłamatyčnych pradstaŭnictvaŭ.
U adkaz Łaŭroŭ «vykazaŭ škadavańnie ŭ suviazi z eskałacyjaj napružanaści ŭ dvuchbakovych adnosinach, raspačataj nie nami», i pakazaŭ, što ŭ Maskvie ŭvažliva vyvučać novyja miery i abvieściać ab reakcyi.