Reklama astrolahaŭ i varažbitak spynicca z 13 vieraśnia
Heta praduhledžana Zakonam Respubliki Biełaruś «Ab uniasieńni źmienaŭ i dapaŭnieńniaŭ u niekatoryja zakony Respubliki Biełaruś pa pytańniach reklamy» ad 5 žniŭnia 2008 hoda
Heta praduhledžana Zakonam Respubliki Biełaruś «Ab uniasieńni źmienaŭ i dapaŭnieńniaŭ u niekatoryja zakony Respubliki Biełaruś pa pytańniach rekłamy» ad 5 žniŭnia 2008 hoda №428‑3 .
U zakonie skazana, što poŭnaja zabarona na rekłamu praduhledžana dla«prac, pasłuh (dziejnaści) hipnatyzioraŭ, ekstrasensaŭ, varažbitak, śpirytaŭ, astrołahaŭ, viedźmakoŭ, pradrakalnikaŭ, inšych asobaŭ, jakija abviaścili abo ličać siabie zdolnymi pradkazvać padziei, uździejničać na ludziej, duchoŭny śviet, majomaść, navakolny asiarodak šlacham vykarystańnia zvyšnaturalnych zdolnaściaŭ abo sił».
— Zabarona rekłamy akultyzmu — naša pieramoha. Heta jaskravy prykład taho, što ŭ pieramieny treba vieryć. Kali hetaja kampanija tolki pačynałasia, mała chto moh z upeŭnienaściu skazać, što my dasiahniem pośpiechu, ale robiačy pracu krok za krokam my dasiahnuli mety. Ciapier my namierany damahčysia poŭnaj zabarony dziejnaści varažbitaŭ i śpirytaŭ. My dziakujem usim, chto ŭdzielničaŭ u hetaj kampanii, i pieradusim dziakujem Bohu, — kaža kaardynatar kampanii baraćby z akultyzmam Dzianis Sadoŭski.