U Babrujsku mužčyna vyskačyŭ z akna dziaviataha paviercha
Cieła mužčyny z prykmietami padzieńnia z vyšyni było znojdzienaje ŭ Babrujsku, paviedamiła BIEŁTA aficyjny pradstaŭnik USK pa Mahiloŭskaj vobłaści Aksana Salaniuk.
Incydent adbyŭsia 3 vieraśnia kala 18.00. Mužčyna ŭpaŭ z akna 9-ha paviercha ŭ padjeździe doma na vuł. Haharyna. «Cieła było znojdzienaje pad voknami. Na miesca vybyvała śledča-apieratyŭnaja hrupa. Vyśvietlena, što mužčyna žyvie ŭ hetym ža domie, tolki niekalkimi pavierchami nižej, — skazała Aksana Salaniuk. — Jak miarkujecca, jon padniaŭsia na leśvičnuju placoŭku i vyskačyŭ adtul».
Babrujski mižrajonny adździeł Śledčaha kamiteta pravodzić pravierku. Pryznačanaja sudova-miedycynskaja ekśpiertyza, jakaja dazvolić vyśvietlić dakładnuju pryčynu śmierci. Pavodle papiaredniaj viersii, mužčyna ździejśniŭ samahubstva. Taksama, pavodle papiaredniaj infarmacyi, jon byŭ ćviarozy.
Śledčyja USK apytvajuć znajomych, kaleh i svajakoŭ zahinułaha, vyśviatlajucca ŭsie abstaviny zdareńnia.