Staličnyja vulicy Kamsamolskuju i Revalucyjnuju chočuć zrabić častkova piešachodnymi
Vulicy Kamsamolskuju i Revalucyjnuju chočuć zrabić častkova piešachodnymi sa skraznym rucham pa adnoj pałasie. Pra heta, jak pieradajuć «Minsk-Naviny», paviedamiŭ staršynia Minharvykankama Andrej Šorac na pres-kanfierencyi ŭ haradskoj ratušy.
Adpaviednyja prajekty prapanuje KUP «Minskaja spadčyna».
«Dumaju, kali vulicy Kamsamolskuju i Revalucyjnuju zrabić častkova piešachodnymi, to jany stanuć centram pryciahnieńnia jak dla haradžan, tak i dla turystaŭ», — skazaŭ Šorac.
Jon adznačyŭ, što haradskija ŭłady prymajuć roznyja miery dla taho, kab razhruzić centr stalicy ad transpartu.
«Ciapier budujem pieršaje transpartnaje kalco. Upeŭnieny, dabudavaŭšy jaho i ukaraniŭšy novyja intelektualnyja schiemy kiravańnia transpartnym patokam, my razhruzim centr, — adznačyŭ Šorac. — Zatory, jakija zdarajucca ŭ hadzinu pik, śviedčać ab tym, što treba mianiać transpartnyja patoki ŭ horadzie».