Ministerstva suviazi raspracavała novy dakumient, jaki maje rehłamientavać błakavańnie sajtaŭ u Biełarusi
Ministerstvam suviazi i infarmatyzacyi raspracavany prajekt Ukaza prezidenta «Ab udaskanaleńni paradku vykarystańnia infarmacyjnaj prastory». Pra heta stała viadoma z adkazu Apieratyŭna-analityčnaha centra pry prezidencie na zvarot pres-sakratara BAŽ Barysa Hareckaha.
U adkazie za podpisam Hienadzia Białkova havorycca, što Ministerstvam suviazi i infarmatyzacyi raspracavany prajekt Ukaza prezidenta Respubliki Biełaruś «Ab udaskanaleńni paradku vykarystańnia infarmacyjnaj prastory», jaki praduhledžvaje paradak abmiežavańnia dostupu da internet-resursaŭ, jakija źmiaščajuć infarmacyju, zabaronienuju abo abmiežavanuju da raspaŭsiudžvańnia zakanadaŭčymi aktami.
BAŽ źviarnułasia ŭ ministerstva, kab aznajomicca z tekstam dakumienta, a taksama daviedacca, na jakim etapie znachodzicca jaho ŭzhadnieńnie.
Adnak va ŭpraŭleńniach elektrasuviazi, pravavoj i kadravaj pracy, a taksama Departamiencie infarmatyzacyi ministerstva pres-słužbie HA «BAŽ» paviedamili, što nibyta ničoha nie viedajuć pra padrychtavany Ukaz u halinie interneta.
HA «Biełaruskaja asacyjacyja žurnalistaŭ» nakiroŭvaje ŭ Ministerstva piśmovy zvarot z hetaj nahody z prośbaj dać mahčymaść aznajomicca z dakumientam i abmierkavać jaho.