Łukašenka pra futbalistaŭ i chakieistaŭ: Dziakuj bohu, što hetyja łajdaki nie trapili na Alimpijadu
Alaksandr Łukašenka pryznaŭsia, što z adnaho boku dobra, što chakieisty i futbalisty nie trapili na bujnyja spabornictvy.
«Ja papiaredžvaju ŭsich kiraŭnikoŭ fiederacyj. Zabudźciesia ab svajoj tak zvanaj svabodzie. Usie niezaležnyja, usie svabodnyja. A vyniki dzie? Čempijanat śvietu pa lohkaj atletycy prajšoŭ. Kolki miedaloŭ pryvieźli? Heta ja naŭskidku nazyvaju spabornictvy. Prajšli spabornictvaŭ pa mastackaj himnastycy, pa dziudo. Bujnyja spabornictvy. Ja ŭžo havaryŭ pra hulniavyja vidy. Naohuł hidka hladzieć. Na što hrošy tracim? Tamu pačynajcie varušycca. I nie chadzicie ŭ NAK pa hrošy. Cłava bohu, što hetyja łajdaki futbalisty ŭ Rumasa i ŭ Šapira chakieisty — nie patrapili na Alimpijadu ci niejkija inšyja bujnyja spabornictvy. Choć hrošy na ich nie treba budzie tracić. A hrošy atrymajuć, heta majo žorstkaje patrabavańnie da NAK i ŭrada, tolki spartsmien i trenier. Vynik dali? Prychodźcie i prasicie što chočacie», - skazaŭ Łukašenka ŭ efiry telekanała ANT.