Kabielnyja apieratary zadumali stvaryć biełaruskamoŭny telekanał, šukajuć kantent
Deputatka Pałaty pradstaŭnikoŭ Alena Anisim raskazała pra sustreču z aperatarami kabelnaj televizii, zacikaŭlenymi ŭ stvareńni kabelnaha kanału pa-biełarusku.
Jak kaža Alena Anisim, tyja majuć ideju stvaryć admysłovy niedziaržaŭny telekanał, na jakim raspaŭsiudžvać biełaruskamoŭny kantent — mastackija i dakumentalnyja filmy i multfilmy, navukova-papularnyja pieradačy i inšaje, jak aryhinalna biełaruskaje, tak i ŭ pierakładzie.
«Aperatary majuć peŭnyja ciažkaści z napaŭnieńniem kantentam na biełaruskaj movie, — raspaviadaje Anisim Svabodzie. — Ideja ŭ tym, kab mieć mahčymaść karystacca tym, što ŭžo napracavana pa-biełarusku».
Tych, chto maje biełaruskamoŭny kantent abo moža taki stvarać, deputatka prosić źviartacca da jaje praz poštu alenaanisim@gmail.com abo praz staronku na Facebook, kab naładzić suviaź z aperatarami, a tyja ŭžo buduć raźbiracca z aŭtarskimi pravami i rychtavać kantent da tranślacyi.
Anisim śćviardžaje, što kanał stvarajecca nia jak kankurent «Biełsatu» (adzinamu na siońnia niedziaržaŭnamu biełaruskamoŭnamu telekanału), a dziela pašyreńnia «biełaruskaj prastory» na tych, dla kaho «Biełsat» niedastupny.