Top-5 žartaŭ pra «Našu Ninu»
Internaŭty prydumali bieźlič novych prajektaŭ, jakija varta zrabić «Našaj Nivie». «Naša Daša» musić raspaviadać pra spartovaje žyćcio krainy, «Naša Piva» — pisać pra cikaŭnaści mužčynskaj pałovy nasielnictva, a «Naša [lehiendarnaje] Šmaravidła» — źbirać śvieckuju chroniku.
Jak tolki nie prapanoŭvali internaŭty dapracavać nazvu «Našaj Niny»: «Naša Niaša», «Naša Maša», «Naša Nimfa», «Naša Nika»…
Darečy, Alena Hušča vystupiła suprać «Niki», zatoje «Ninu» horača padtrymała:
«Nina — heta staražytnaje asiryjskaje imia, jakoje abaznačaje ŭ pierakładzie ''Caryca'', ''Spadarynia''. Pa-mojmu, ''Naša Nina'' — najlepšaja nazva dla sajta biełaruskich žančyn. ''Naša Nina'' — naša spadarynia! Vinšuju ŭsich nas!»
««Naša Hłaša», miarkujučy pa łukach. A za ideju — piacioračka», — prakamientavała Viktoryja Alaksandrava.
«Mnie padabajecca. A dla lićvinaŭ možna litaru «ja» dadać — «našaJanina»», — napisaŭ Alaksiej Krukoŭski.
««Maša Nina» prarasła i zakałasiłasia. I «Naša Niva» taki padabrała maju zabaŭku z fejkavaj nazvaj i zapuściła surjozny prajekt «Naša Nina»… Praŭda, niedzie zhubiłasia Maša. Mahčyma, treba jašče čakać «Maša Niva». Z hetaj pryčyny ŭračysta abiacaju vypuścić nieŭzabavie treci «žestačajšy» numar «MiašaNiny»», — aryhinalna pavinšavaŭ nas z zapuskam Viecier Miechaničny.
A voś jak abyhrała źjaŭleńnie «Niny» Alaksandra Bajaryna:
«Siensacyja! Pakul anłajniery i tuty taŭściejuć i zapłyvajuć tłuščam, «Naša Niva» naradziła dačku. Voś što značyć zdarovy vobraz žyćcia i vybiralnaść praduktaŭ charčavańnia. Maładaja, padciahnutaja hazieta zaniałasia repradukcyjaj. A brsmaŭskija i sputnikaŭskija śmi pajduć na EKA. A samyja prasunutyja prajeŭrapiejskija vydańni zrobiać sabie abort».
Tvitar pryniaŭ «Ninu» jak dadzienaść:
«U pryncypie, paśla artykuła ŭ «NN» pra mužykoŭ, jakija niapravilna siadziać u mietro, hetaha varta było čakać…».
Užo ž usie viedajuć, što takoje menspredynh i što z hetym treba zmahacca, praŭda?
Choć dzie-nidzie adčuvajucca notki horyčy:
«Addadzim naležnaje, jany trymalisia da apošniaha. Ale jany pavinny byli zmahacca sa złom, a nie dałučycca da jaho…».