Prezident Filipinaŭ: Kali moj syn datyčny da narkotykaŭ, zabicie jaho
42-hadovaha syna prezidenta Filipin Paoła Duterte zapadozryli ŭ supracoŭnictvie z kitajskaj mafijaj.
Paoła Duterte, starejšy syn prezidenta Filipin. Fota: AP Photo/Bullit Marquez
Apazicyjny filipinski deputat zajaviŭ, što syn kiraŭnika dziaržavy dapamahaŭ pastaŭlać narkahandlaram mietamfietamin u krainu. Prezident Radryha Duterte u svaju čarhu zapatrabavaŭ pryvieści dokazy, ale ŭ toj ža čas jon paabiacaŭ, što kali infarmacyja paćvierdzicca, to addaść zahad zabić ułasnaha syna.
— Kali maje dzieci buduć datyčnyja da narkotykaŭ, zabicie ich, kab ludziam nie było čaho skazać. Ja skazaŭ synu: «Kali ciabie złoviać, ja zahadaju zabić ciabie i budu abaraniać palicyju», — zajaviŭ filipinski lidar.
Radryha Duterte viadomy ŭ śviecie jak niaschilny baraćbit z narkamafijaj. Prytym mietady baraćby, jakija vykarystoŭvaje kiraŭnik Filipin, u zachodnich krainach čaściakom krytykavalisia. Hetaja krytyka stała navat pryčynaj paharšeńnia adnosin pamiž Filipinami i ZŠA.