Samy viadomy sinoptyk Biełarusi pakidaje Biełhidramiet
Fota Ihara Siamionava
Dźmitryj Rabaŭ, načalnik słužby mietearałahičnych prahnozaŭ Biełhidramieta Minpryrody, pakidaje svaju pasadu. Pra heta jon paviedamiŭ TUT.BY.
Pavodle jaho słoŭ, jon pavinien pakinuć Biełhidramiet. Pra pryčyny sychodu samy viadomy sinoptyk Biełarusi nie paviedamiŭ.
Nahadajem, 14 vieraśnia, pryznačajučy novaha kiraŭnika Minpryrody, Alaksandr Łukašenka raskrytykavaŭ jakaść prahnozaŭ nadvorja.
«Ich prahnozy časam nie toje što čytać … Časam, pračytaŭšy, chočacca, kab naohuł ničoha tam nie prahnazavali. Tam bolš za tysiaču čałaviek. Zajmiciesia hetaj strukturaj i navučyciesia pracavać u struktury — zusim nievialikaja — u našym vojsku jość (u VPS i vojskach SPA) — na troje sutak infarmacyja pa hadzinach, i ni razu nie pamylalisia», — skazaŭ tady kiraŭnik krainy. Jon taksama dadaŭ, što, čytajučy štodzionny prahnoz nadvorja, u jaho ŭźnikaje žadańnie «prosta razahnać hetuju arhanizacyju».
Dźmitryj Rabaŭ — samy viadomy tvar Biełhidramieta: mienavita jon čaściej za ŭsio źjaŭlaŭsia ŭ ŚMI i na telebačańni.