Prezident Francyi padpisaŭ sprečnuju pracoŭnuju reformu
Emaniuel Makron vykanaŭ svajo pieradvybarčaje abiacańnie refarmavać pracoŭnaje zakanadaŭstva. Prezident Francyi padpisaŭ adpaviednyja pastanovy pierad telekamierami 22 vieraśnia ŭ Paryžy.
Zakon ustupić u siłu adrazu ž paśla jaho apublikavańnia ŭ aficyjnym ŭradavym vieśniku, niahledziačy na chvalu pratestaŭ pa ŭsioj Francyi, paviedamlaje DW.
Heta reforma rynku pracy «biesprecedentnaj hłybini», i jana budzie realizavanaja «ŭ rekordnym tempie», zajaviŭ prezident Makron u žyvym efiry francuzskich telekanałaŭ. Reforma praduhledžvaje ŭzmacnieńnie roli halinovych i firmovych taryfnych dahavoraŭ, pasłableńnie abarony supracoŭnikaŭ ad zvalnieńniaŭ i abmiežavańni pamieraŭ dapamoh pa zvalnieńni.
Ułady Francyi razhladajuć hetyja novaŭviadzieńni jak nieabchodnyja miery suprać biespracoŭja, jakaja składaje ŭ Francyi kala 10%. Pracadaŭcy vitajuć źmieny ŭ zakanadaŭstvie. U toj ža čas prafsajuzy i levyja siły ličać, što reforma ŭščamlaje pravy pracoŭnych. Napiaredadni, 21 vieraśnia, pa ŭsioj Francyi prajšli pratesty suprać pracoŭnaj reformy, u jakich pryniali ŭdzieł 132 tysiačy čałaviek, — značna mienš, čym u demanstracyjach, jakija prakacilisia pa krainie tydniem raniej, adznačaje ahienctva AFP.