U Rasii źjavicca tavarny znak «Zroblena ŭ turmie»
U Rasii budzie zarehistravany tavarny znak «Zroblena ŭ turmie». Adpaviednaja zajaŭka była atrymana Raspatentam, paviedamlaje Ahienctva haradskich navin «Moskva».
Zajaŭka była padadzienaja FDUP «Kałužskaje» Fiederalnaj słužby vykanańnia pakarańniaŭ (FSVP Rasii). Sam tavarny znak ujaŭlaje ź siabie słaviesnaje abaznačeńnie, vykananaje drukavanymi litarami ruskaha ałfavitu čornaha koleru.
«Znak prosty, vyrazny i dobra zapaminajecca», — adznačajecca ŭ dakumiencie.
Vydańnie adznačaje, što ŭ Italii pad brendam Made in jail («Zroblena ŭ turmie») z 1980-ch hadoŭ vypuskajuć vopratku. Ideja naležyć byłym viaźniam turmy ŭ Rymie. Pad brendam Made in jail vyrablajuć futbołki, u tym liku dziciačyja, i tałstoŭki.
U apošnija niekalki hadoŭ u sistemie FSVP aktyŭna raźvivajecca vytvorčaść, pradukcyju, vyrablenuju ŭ kałonijach, možna ŭbačyć na roznych rehijanalnych kirmašach. Zeki vyrablajuć meblu i roznuju suvienirnuju pradukcyju, šyjuć vopratku, razvodziać pčoł.