DAI vypłaciła kampensacyi paciarpiełym u «žyvym ščycie»
Vydała hrošy i strachavaja kampanija, ale nia ŭsie. Uładalniku raźbitaj uščent BMW Juryju Paškieviču, kab poŭnaściu kampensavać košt aŭtamabila, prapanavali pradać cełyja zapčastki.
Vydała hrošy i strachavaja kampanija, ale nie ŭsie. Uładalniku raźbitaj uščent BMW Juryju Paškieviču, kab poŭnaściu kampiensavać košt aŭtamabila, prapanavali pradać cełyja zapčastki.
Minskaja DAI narešcie kampiensavała paciarpiełym pa spravie ab «žyvym ščycie» maralnyja straty i vypłaciła im 22 miljony rubloŭ. Pra heta raspavioŭ Juryj Paškievič, uładalnik BMW, što była paškodžana bolš za inšyja aŭtamabili «žyvoha ščyta».
«Vypłacili ŭsim i ŭ poŭnym abjomie. Mnie, žoncy i dziciaci pa 6 miljonaŭ, značycca, 18 miljonaŭ našaj siamji, Alenie Kaŭpakovaj — 2 miljony, a Loša z Kościem pa adnym miljonie».
Juryj Paškievič taksama adznačyŭ, što hrošy za paškodžanyja aŭtamabili viarnuła i strachavaja kampanija, ale nie ŭsie.
«Mašyna była pryznanaja całkam «zahinułaj». Ja jaje kuplaŭ za 5 tysiač dołaraŭ. «Biełdziaržstrach» naličyŭ 10,5 miljonaŭ rubloŭ, a da vypłaty 7 miljonaŭ 200 tysiač. Jany kažuć, što pavodle zakona, ja mušu pradać tyja zapčastki, jakija zastalisia, i tady atrymajecca taja suma, za jakuju ja kupiŭ mašynu».
Adnak Juryj Paškievič z hetym nie zhodny. Kaža, što mašynu kuplaŭ nie pa zapčastkach, a ŭsiu całkam. I strachavaŭ jaje taksama nie pa kavałkach.
«Atrymlivajecca, što jany mnie vypłačvajuć krychu bolš za pałovu, a astatniaje sam pradavaj, šukaj, rabi, što chočaš. A nieviadoma, pradasi ty hetuju mašynu za miesiac, za paŭhoda ci za hod».
Viera Stramkoŭskaja, advakat paciarpiełych, paviedamiła Jeŭraradyjo, što sprava vakoł strachovak budzie vyrašacca ŭ hramadzianskim sudzie.
«Jašče budzie hramadzianski sud z hetaj nahody. Pytańnie z aŭtamabilem jašče nie vyrašalisia ŭ sudzie. U kryminalnym sudzie razhladałasia pytańnie maralnych strataŭ. A realnyja straty my i razhledzim hramadzianskim sudzie».