Rabočyja patłumačyli, navošta raźmiecili darohu biez asfaltu kala Dziaržynska FOTAFAKT
U pabliku «Padsłuchana Dziaržynsk» apublikavali fotazdymki hravijnaj darohi pad vioskaj Dziahilna. Darožniki nanieśli raźmietku naŭprost na piasok, brud i łužyny.
Dziaržynskija kamunalščyki adkazavajuć, što prablemy nasamreč niama.
«Dla raźmietki my naniali SP «Transbud». Jany zajmalisia raźmietkaj asfaltavaj darohi, a hety kavałak hravijki idzie pierad asfaltam. I jak nam patłumačyli rabočyja, prosta pradzimali techniku, kab jana narmalna pracavała. Zvyčajny rabočy momant, ničoha takoha. A ludzi ŭbačyli i razdźmuli z hetaha prablemu», — raspavioŭ rabotnik kamunalnaj słužby.