Piłot emirackaj avijakampanii pamior na borcie samalota
Piłot emirackaj avijakampanii Etihad Airways pamior padčas vykanańnia rejsa z Abu-Dabi ŭ Amsterdam, paviedamlaje vydańnie Gulf News. U vyniku samalotu pryjšłosia pamianiać kurs i terminova pryziamlicca ŭ Kuviejcie.
Jak zajavili ŭ avijakampanii, łajnier paśpiachova sieŭ u Kuviejcie, dzie na bort adrazu nakiravali hrupu miedykaŭ, adnak piłota było ŭžo nie ŭratavać.
«Etihad Airways z žalem paviedamlaje pra śmierć na borcie rejsa EY 927, jaki vykonvaje słužbu hruzavych pieravozak z Abu-Dabi ŭ Amsterdam», — paviedamili ŭ avijakampanii. Pryčyna śmierci piłota nie nazyvajecca.