U Biełarusi adznačany novy vid ptušak — strynatka-kroška FOTAFAKT
Pieršaja strynatka-kroška (Emberiza pusilla) dla Biełarusi! Ptuška była adłoŭlena i zakalcavana 02.Ch na stancyi «Sasnovy Bor» Dz. Kicielem, Dz. Šamovičam i N. Kuźmiankovaj, paviedamlaje supołka Birding Belarus.
Vosieńskaja mihracyja ptušak praciahvajecca, a heta «ŭradžajny» čas dla taho, kab pabačyć u našaj krainie redkija vidy, jakija iduć «tranzitam» z paŭnočnych krain na zimoŭku. Takim maršrutam i lacieła strynatka-kroška, jakaja zrabiła nievialiki prypynak na poŭnačy Biełarusi i padaryła našaj krainie siensacyju ŭ vyhladzie novaha vidu ptušak.
Pieršuju strynatku-krošku dla Biełarusi adłaviŭ arnitołah Dzianis Kiciel 2 kastryčnika ŭ Viciebskaj vobłaści na stancyi «Sasnovy Bor». Dzianis pracuje tam razam ź Dźmitryjem Šamovičam i Nastaj Kuźmiankovaj.
Fota Dzianisa Kiciela
U Jeŭropie strynatka-kroška padčas mihracyi adznačajecca rehularna, u tym liku i ŭ krainach-susiedkach (Polšča, Łatvija, Ukraina). Tak što biełaruskija arnitołahi daŭno čakali hety vid i ŭ nas u krainie.