Muzyka Ukantakcie ciapier dastupnaja biaspłatna tolki adnu hadzinu na dzień
Ź pieršaha kastryčnika mnohija karystalniki sacyjalnaj sietki «Ukantakcie» stali zaŭvažać, što praz hadzinu prasłuchoŭvańnia muzyki ŭ mabilnym dadatku na smartfonie ci płanšecie sistema stała patrabavać aformić płatnuju padpisku.
Z takoj samaj prablemaj sutyknulisia i karystalniki «Adnakłaśnikaŭ». Havorka idzie pra prasłuchoŭvańnie muzyki ŭ tak zvanym «fonavym režymie», heta značyć pry vyklučanym ekranie pryłady abo pry karystańni inšym dadatkam ci prahramaj padčas prasłuchoŭvańnia lubimych kampazicyj.
Takoje abmiežavańnie pastupova zakranie ŭsich karystalnikaŭ, choć ciapier niekatoryja ŭsio jašče majuć mahčymaść słuchać muzyku biaspłatna. Paviedamlajecca, što ŭ budučyni hety biaspłatny termin skarociać da 30 chvilin na dzień.
Dla taho, kab mieć mahčymaść słuchać ulubionuju muzyku biez abmiežavańniaŭ, treba aformić płatnuju padpisku ŭ dadatku Boom za 149 rasijskich rubloŭ u miesiac, što składaje kala 5 rubloŭ biełaruskich.