Vaŭčkoŭ budzie kapitanam zbornaj na matčy Kubku Devisa z Hruzijaj
Zbornyja Biełarusi i Hruzii nazvali sastavy na matč, što projdzie ŭ Miensku na nastupnym tydni.
Hetyja zbornyja sustrenucca ŭ ramkach matču płej-of 2-ha raŭndu 1-j Eŭra-Afrykanskaj hrupy, kudy biełarusy trapili paśla parazaŭ ad švajcarcaŭ i palakaŭ.
Skład biełarusaŭ: Maksim Mirny (519-je miesca ŭ rejtynhu ATP), Uładzimier Ihnacik (425-ty), Andrej Karatčenia (587-ty), Dźmitry Žyrmont (634-ty).
Niama ŭ składzie šmathadovaha paplečnika Maksa Mirnaha -- Ŭładzimiera Vaŭčkova. Uładzimier budzie kapitanam našaj zbornaj u hetym matčy.
Zbornaja Hruzii: Irakli Łabadze (527-ty rejtynh), Łado Čychładze (851-ty), Nadar Itanišvili (1059-ty), Hieorhi Chrykadze. Kapitan zbornaj: Uładzimier Habryčydze.
Matč projdzie 19-21 vieraśnia ŭ Miensku, na kortach staličnaha Tenisnaha centru. Pačatak hulniaŭ u kožny dzień a 11-j.
U adroźnieńnie ad papiarednich matčaŭ zbornaj Biełarusi pramaja tranślacyja vieścisia nia budzie, a tolki pozna ŭviečary budzie spravazdača na ANT.