«Isłamskaja dziaržava» apublikavała VIDEA z dvuma rasijanami, uziatymi ŭ pałon
«Isłamskaja dziaržava» apublikavała videa, na jakim źniatyja dvoje ŭziatych u pałon rasijskich vajskoŭcaŭ. Abodva, miarkujučy pa karcincy, źbityja.
Adzin z mužčyn — Raman Zabałotny, 1979 hoda naradžeńnia, uradženiec pasiołka Raśviet Aksajskaha rajona Rastoŭskaj vobłaści.
Inšaha jon nazyvaje jak Hryhoryj Curkan, 1978 hoda naradžeńnia, uradženiec Damadziedaŭskaha rajona. Jon na videa maŭčyć.
Internaŭty identyfikavali Curkana jak siabra «Damadziedaŭskaha adździaleńnia «Bajavoje braterstva». Jon nazyvaŭ siabie vieteranam kanfliktaŭ u Juhasłavii i Siryi.
«Isłamskaja dziaržava» zajaviła pra zachop ŭ pałon dvuch rasijskich sałdat 28 vieraśnia. Minabarony Rasii abvierhła infarmacyju.