U Minsku tralejbus sutyknuŭsia z hruzavikom, dvoje paciarpiełych
U Minsku tralejbus sutyknuŭsia z hruzavikom, paciarpieli, pa papiaredniaj infarmacyi, dva čałaviek. Pra heta BIEŁTA paviedamiła staršy inśpiektar pa ahitacyi i prapahandzie ADAI Maskoŭskaha RUUS Minska Luboŭ Trapaška.
DTZ adbyłosia kala piaci hadzin viečara na skryžavańni praśpiektaŭ Dziaržynskaha i Lubimava. «Kiroŭca hruzavika, jaki ruchaŭsia z boku MKAD u kirunku horada, pierasiakaŭ praśpiekt Lubimava. A tralejbus prajazdžaŭ praśpiekt Dziaržynskaha ŭ kirunku vulicy Karalinskaj. Adbyłosia sutyknieńnie. Pavodle papiaredniaj infarmacyi, kiroŭca tralejbusa vyjechaŭ na čyrvony sihnał śviatłafora», — raspaviała jana.
Na dadzieny momant jość infarmacyja pra dvaich paciarpiełych, adzin ź ich kiroŭca tralejbusa.
MHU MNS
Ciapier ruch pa praśpiekcie Dziaržynskaha z boku MKAD u napramku Lubimava ŭskładnieny. DAI prosić kiroŭcaŭ uličvać hetuju infarmacyju pry vybary maršrutu.