Anšłah na kursach ukrainskaj movy ŭ Minsku FOTY
Siońnia ŭ minskaj siadzibie TBM raspačalisia biaspłatnyja kursy ukrainskaj movy, jakija sabrali sapraŭdny anšłah. Na ich zapisałasia stolki ludziej, što daviałosia padzialić udzielnikaŭ na try hrupy. Dźvie buduć zajmacca ŭ piatnicu i adna — u subotu.
Na pieršym zaniatku prysutničali pasoł Ukrainy ŭ Biełarusi Ihar Kizim i pieršy namieśnik staršyni Tavarystva biełaruskaj movy Alena Anisim. Ukrainski dypłamat adznačyŭ, što niečakana ŭbačyć stolki žadajučych vyvučać ukrainskuju movu ŭ Minsku, a taksama paabiacaŭ, što ŭkrainski bok zrobić usio mahčymaje, kab padtrymać hetuju zacikaŭlenaść.
Ihar Kizim ahučyŭ infarmacyju pra adkryćcio ukrainskaha telekanała ŭ Biełarusi. Usiu techničnuju dakumientacyju pa hetym pytańni ŭkrainski bok užo pieradaŭ u Minsk. Pasoł zaznačyŭ, što havorka idzie taksama i pra adkryćcio biuro ahienctva «Ukrinform» u biełaruskaj stalicy.