Biełaruska Alaksandra Čyčykava pieramahła ŭ konkursie «Mis śvietu na vazku»
Kali abjavili, što mienavita Saša stała pieramožcaj, u dziaŭčyny źjavilisia ślozy na vačach.
Finał konkursu adbyŭsia 7 kastryčnika ŭ Varšavie. Akramia Sašy ŭ im brali ŭdzieł jašče 23 kankursantki. Siarod ich była i inšaja pradstaŭnica ad Biełarusi — dziaŭčyna z DCP Anhielina Uelskaja.
Nahadajem, Saša vyrašyła padać zajaŭku na konkurs spantanna, amal u apošni momant, ale kali prajšła ŭ finał, rychtavałasia vielmi adkazna. U jaje kamandzie była, naprykład, misis «Ziamny šar-2017» Śviatłana Kuźniacova.
Traŭmu Saša atrymała, kali vučyłasia na pieršym kursie: chutka jana stanie dypłamavanym psichołaham. Dziaŭčyna taksama hraje ŭ pastanoŭkach Svabodnaha teatra, a pracuje ŭ hipiermarkiecie pasłuh 124.