Zaŭziatara, jaki vybieh na pole ź bieł-čyrvona-biełym ściaham na matčy z «Arsienałam», čakaje novy sud
Reuters.com
26-hadovaha zaŭzatara pieravieźli z Barysava, dzie jon adbyvaŭ pakarańnie, u Vilejku, dzie jon žyvie. Takuju infarmacyju paviedamili Radyjo Svaboda svajaki Vianhierskaha i hramadski aktyvist Alaksiej Siudak.
Siamja źbirałasia sustrakać Alaksandra paśla adbyvańnia pakarańnia ŭ Barysavie. Jaho mielisia vyzvalić 8 kastryčnika kala 21-j hadziny. Ale, kažuć u siamji, vypadkova im stała viadoma, što Alaksandr užo ŭ Vilejcy. Jany źviarnulisia ŭ miascovy RUUS, tam im paćvierdzili, što Vianhierski ŭ Vilejcy i zaŭtra jaho čakaje novy sud.
Za što buduć sudzić Alaksandra zaŭtra, nie viadoma, ale ŭ Vilejcy miarkujuć, što padstavaj moža być jahony ŭdzieł u akcyi 8 vieraśnia ŭ Minsku.
Nahadajem, što Alaksandr Vianhierski vybieh ź bieł-čyrvona-biełym ściaham na pole padčas hulni hrupavoha raŭndu Lihi Jeŭropy BATE — «Arsienał», što prajšła na «Barysaŭ-Arenie» 28 vieraśnia. Jon byŭ zatrymany, noč pravioŭ u pastarunku i na nastupny dzień asudžany na 10 sutak administracyjnaha aryštu.