ES hatovy bačyć Łukašenku na samicie «Uschodniaha partniorstva»
Reuters.com
Krynicy ŭ Jeŭrasajuzie paviedamlajuć, što ES hatovy vitać biełaruskaha kiraŭnika Alaksandra Łukašenku na samicie «Uschodniaha partniorstva», jaki adbudziecca ŭ nastupnym miesiacy ŭ Bruseli. Pra heta paviedamlaje bruselski karespandent Radyjo Svaboda Rykard Juźviak.
Krynicy ŭ ES u razmovie ź Juźviakam padkreślili, što Biełaruś była zaprošanaja ŭziać udzieł u samicie 24 listapada ŭ Bruseli «biez abmiežavańniaŭ» — hetak ža, jak i piać inšych čalcoŭ «Uschodniaha partniorstva»: Azierbajdžan, Armienija, Hruzija, Małdova i Ukraina.
Zaprašeńni na samit byli nakiravanyja krainam «Uschodniaha partniorstva» 6 kastryčnika.
Napiaredadni čatyroch papiarednich samitaŭ «Uschodniaha partniorstva» ES jasna davaŭ zrazumieć, što na ich nie čakajuć Łukašenku, jaki kiruje Biełaruśsiu šmat hadoŭ i jakoha nazyvali «apošnim dyktataram Jeŭropy».
Na apošnim takim samicie, jaki prachodziŭ u Ryzie ŭ 2015 hodzie, Minsk pradstaŭlaŭ ministr zamiežnych spravaŭ Uładzimir Makiej.