Jeŭrasajuz zrabiŭ bolš žorstkimi sankcyi suprać KNDR
Jeŭrapiejski Sajuz uvioŭ novyja sankcyi ŭ dačynieńni da kiraŭnictva Paŭnočnaj Karei. U aŭtorak na pasiadžeńni Savieta ES byŭ zabaronieny ekspart u KNDR zvadkavanaha hazu i impart pradukcyi paŭnočnakarejskaj tekstylnaj pramysłovaści. Akramia taho, krainam Jeŭrasajuza zabaranili vydavać novyja dazvoły na pracu hramadzianam KNDR, paviedamlaje DW.
Takim čynam ES realizavaŭ pryniatuju 11 vieraśnia rezalucyju Rady Biaśpieki AAN u dačynieńni da Pchieńjana u adkaz na nieadnarazovyja rakietnyja vyprabavańni paŭnočnakarejskaha kiraŭnictva. U pačatku vieraśnia 2017 hoda Rada Biaśpieki AAN adnahałosna ŭchvaliła novy prajekt rezalucyi ab uviadzieńni dadatkovych sankcyj u dačynieńni da KNDR. Dakumient praduhledžvaje poŭnuju zabaronu na ŭvoz z Paŭnočnaj Karei tekstylnaj pradukcyi, a taksama abmiažoŭvaje prodaž Pchieńjanu naftapraduktaŭ dvuma miljonami barelaŭ u hod.
Uzmacnieńnie žorstkaści sankcyj urad KNDR nazvaŭ niezakonnym, zajaviŭšy, što kroki, na jakija ŭ hetym vypadku pojdzie Pchieńjan, prymusiać Złučanyja Štaty adčuvać «najmacniejšy bol i pakuty, jakija jany kali-niebudź pieražyvali za ŭsiu svaju historyju».
Paralelna z sankcyjami AAN Jeŭrapiejski Sajuz raspracoŭvaje ŭłasnyja štrafnyja miery ŭ dačynieńni da ŭładaŭ u Pchieńjanie, nahadvaje dpa.