Biełaruś zhulaje ŭ najsłabiejšym dyvizijonie Lihi nacyj, siarod mahčymych supiernikaŭ — Farery, Kosava, Hibrałtar, Andora
Pa vynikach adboračnych matčaŭ ČS-2018 vyznačyŭsia skład 4 dyvizijonaŭ u novym turniry Liha nacyj.
Zbornaja Biełarusi zhulaje ŭ čaćviortym dyvizijonie, kudy ŭvajšli kamandy z horšym rejtynham.
Dyvizijon D składuć, akramia Biełarusi, Azierbajdžan, Makiedonija, Hruzija, Armienija, Farerskija vyspy, Łatvija, Luksiemburh, Kazachstan, Małdova, Lichtenštejn, Malta, Kosava, Andora, San-Maryna i Hibrałtar.
Jany sfarmirujuć čatyry hrupy pa čatyry kamandy. Pieramožcy hrup vyjduć u płej-of, dzie razyhrajuć adnu pucioŭku na čempijanat Jeŭropy 2020 hoda. Tak što ŭ biełarusaŭ jość šaniec trapić takim čynam na jeŭrapiejskaje pieršynstvo.
U dyvizijon A patrapili pieršyja 12 pradstaŭnikoŭ rejtynhu — Hiermanija, Partuhalija, Ispanija, Bielhija, Anhlija, Francyja, Šviejcaryja, Italija, Polšča, Isłandyja, Charvatyja i Hałandyja. Tut budzie 4 hrupy pa try kamandy.
U dyvizijon V trapili zbornyja, jakija zajmajuć miescy ŭ rejtynhu z 13-ha pa 24-je. Heta - Aŭstryja, Uels, Słavakija, Ukraina, Irłandyja, Šviecyja, Paŭnočnaja Irłandyja, Danija, Bośnija i Hiercahavina, Čechija i Turcyja. U dyvizijonie budzie 4 hrupy pa try kamandy.
U dyvizijonie S vystupiać Rumynija, Šatłandyja, Słavienija, Vienhryja, Sierbija, Ałbanija, Narviehija, Hrecyja, Čarnahoryja, Izrail, Bałharyja, Finlandyja, Kipr, Estonija i Litva. U hetym dyvizijonie budzie adna hrupa z troch kamand, a taksama try hrupy — z čatyroch.
Losavańnie Lihi nacyj adbudziecca 24 studzienia 2018 hoda ŭ Łazanie.
Samo losavańnie adboračnaha turniru Jeŭra-2020 projdzie paźniej. Usie jeŭrapiejskija zbornyja buduć raźbityja na 10 hrupaŭ. Pa dźvie kamandy z hrupy vyjduć na ČIE.