U Minsku šukajuć žančynu, jakaja skrała čužyja rečy z kamiery zachoŭvańnia ŭ kramie
Supracoŭniki adździeła kryminalnaha vyšuku Frunzienskaha RUUS šukajuć žančynu pa padazreńni ŭ kradziažy majomaści z kamiery zachoŭvańnia kramy pa vuł. Adzincova, paviedamlaje HUUS Minharvykankama.
guvd.gov.by
11 vieraśnia kala 12:00 žančyna zajšła ŭ kramu ŭ supravadžeńni mužčyny i zaŭvažyła pakinuty pakiet u adkrytaj jačejcy. Razam sa svaimi rečami jana pierakłała čužy pakiet u susiedniuju jačejku. Zrabiŭšy pakupki, zabrała svaju i čužuju majomaść i pajšła z kramy.
Nieŭzabavie pra nabytaje novaje adzieńnie, pakinutaje ŭ pakiecie kamiery zachoŭvańnia, uzhadała ŭładalnica. Viarnuŭšysia ŭ kramu, rečaŭ nie znajšła i źviarnułasia z zajavaj u milicyju.
Prykmiety žančyny: na vyhlad 30-35 hadoŭ, rost 160-165 sm, chudarlavaha ciełaskładu, vałasy ciomnyja. Była apranutaja: kofta ružovaha koleru z nadpisam biełaha koleru, džynsy siniaha koleru, krasoŭki biruzovaha koleru ź biełaj padešvaj. Nosić akulary dla zroku, pry sabie mieła sumku praź plačo čornaha koleru.
Milicyja prosić usich, chto paznaŭ žančynu na fota albo maje infarmacyju ab zdareńni, paviedamić pa telefonach: 8 (017) 365-56-85, 8 (029) 851-46-65 albo 102.