Kožnamu čaćviortamu biudžetniku dapłočvajuć, kab vychodziła «minimałka»
U Biełarusi kožny čaćviorty rabotnik arhanizacyj, što finansujucca ź biudžetu, — 27% — atrymlivaje dapłatu da minimalnaj zarabotnaj płaty, paviedamili ŭ Fiederacyi prafsajuzaŭ. Pa dadzienych manitorynhu, u asnoŭnym heta tyčycca absłuhovaha piersanału - prybiralščykaŭ pamiaškańniaŭ, kładaŭščykoŭ, harderobščykaŭ, sanitarak, małodšych miedycynskich siaścior, kucharaŭ dy inšych.
Pa dadzienych Fiederacyi prafsajuzaŭ, siońnia nie vykonvajecca abaviazacielstva pa zabieśpiačeńni paśladoŭnaha nabližeńnia staŭki 1-ha razradu dla apłaty pracy rabotnikaŭ biudžetnych arhanizacyj i pryraŭnienych da ich pa apłacie pracy da ŭzroŭniu biudžetu pražytkovaha minimumu.
- U biudžetnaj śfiery składvajecca niedapuščalnaja situacyja, - skazaŭ staršynia Fiederacyi prafsajuzaŭ Biełarusi Michaił Orda na pasiadžeńni Nacyjanalnaha savieta pa pracoŭnych i sacyjalnych pytańniach. - Čałaviek adpracavaŭ 22 dni pa vosiem hadzin u dzień, i jamu pa siońniašnich taryfach naličvajuć zarabotnuju płatu mienš za «minimałku». I takim ludziam davodzicca dapłočvać da minimalnaj zarpłaty, jakaja składaje 265 rubloŭ. Pryčym dadzienaja prablema tyčycca dosyć vialikaj kolkaści zaniatych u biudžetnaj śfiery. Hetuju sistemu treba ŭ korani źmianiać (ja maju na ŭvazie taryfnuju sietku). My spadziajemsia, što sacyjalnyja partniory padtrymajuć našy prapanovy, pakolki ŭžo naśpieła nieabchodnaść prymać pryncypovyja rašeńni pa hetym pytańni.