Novaja płatnaja pasłuha DAI Minska: probnaje testavańnie viedaŭ PDR
U DAI Minska źjaviłasia novaja płatnaja pasłuha — «Probnaje testavańnie viedaŭ Praviłaŭ darožnaha ruchu». Testavańnie pravodzicca z dapamohaj Adzinaj sistemy prahramna-techničnaha kompleksu vydačy paśviedčańniaŭ kiroŭcy, piša Tut.by.
— Heta płatnaja pasłuha praduhledžvaje mahčymaść pradastaŭleńnia hramadzianam prajści testavańnie viedaŭ PDR z vykarystańniem isnujučaha prahramnaha zabieśpiačeńnia va ŭmovach, maksimalna nabližanych da ŭmoŭ zdačy tearetyčnaha kvalifikacyjnaha ekzamienu — u kampjutarnych kłasach mižrajonnaha ekzamienacyjnaha padraździaleńnia Dziaržaŭtainśpiekcyi, — paviedamili ŭ DAI.
Taryf na pasłuhu «Probnaje testavańnie viedaŭ Praviłaŭ darožnaha ruchu» ustanoŭleny ŭ pamiery 8 rubloŭ za adno testavańnie.
Dla prachodžańnia testavańnia nieabchodna apłacić kvitancyi (bankaŭskija rekvizity možna daviedacca na sajcie DAI) i napisać zajavu. Pry sabie treba mieć pašpart albo inšy dakumient, jaki paćviardžaje asobu.
Hrafik testavańnia: aŭtorak, sierada, čaćvier, piatnica, subota ŭ 11.00 i 15.00.