Kiroŭcu chutkaj, jakaja jechała ź mihałkami, pryznali vinavatym u śmierci źbitaha piešachoda
Spravu razhladaŭ sud Kastryčnickaha rajona Hrodna. Kiroŭca chutkaj byŭ pryznany vinavatym, adnak z rašeńniem suda jon nie pahadziŭsia i padaŭ apielacyju.
Avaryja sa śmiarotnym vynikam adbyłasia ŭ Hrodnie 20 krasavika kala 21.45.
Chutkaja z uklučanymi probliskavymi majačkami siniaha koleru viezła pacyjenta ź infarktam u pravaj pałasie vulicy Savieckich pamiežnikaŭ.
Ź levaha boku pa piešachodnym pierachodzie ŭ napramku prypynku kala abutkovaj fabryki darohu sprabavali pierabiehčy dźvie dziaŭčyny: adna ź ich paśpieła zabiehčy na tratuar, druhuju źbiła mašyna. Na nastupnuju ranicu 28-hadovaja paciarpiełaja pamierła ŭ balnicy.
— Prysud jašče nie ŭstupiŭ u zakonnuju siłu - kiroŭca padaŭ apielacyju, — raspavioŭ TUT.BY načalnik adździeła arhanizacyjnaha zabieśpiačeńnia sudovaj dziejnaści Hrodzienskaha abłasnoha suda Pavieł Varejka.
Sud pieršaj instancyi 29 vieraśnia prysudziŭ kiroŭcu da 2,5 hoda abmiežavańnia voli biez nakiravańnia ŭ vypraŭlenčuju ŭstanovu — tak zvanuju «chatniuju chimiju», i pazbaviŭ jaho pravoŭ na 4 hady.
Z rašeńniem suda kiroŭca nie pahadziŭsia i padaŭ apielacyjnuju skarhu, jakuju budzie razhladać Hrodzienski abłasny sud.