Navukoŭcy nazvali pryčynu chałodnaha leta 2017 hoda
U časopisie Environmental Research Letter apublikavanaje daśledavańnie amierykanskich i rasijskich navukoŭcaŭ, što tyčycca pracesaŭ skaračeńnia płoščy marskoha lodu Paŭnočnaha Ledavitaha akijana. Mienavita z hetym daśledčyki źviazvajuć anamalii nadvorja, u pryvatnaści chałodnaje i daždžlivaje leta 2017 hoda ŭ šmatlikich krainach Jeŭropy.
Źviestki pra płošču marskoha lodu navukoŭcy atrymlivali sa spadarožnikaŭ, a pali raźmierkavańniaŭ tempieratury, cisku, vilhotnaści i vypramieńvańnia — z tak zvanaha reanalizu (ERA-Interim). Reanaliz źjaŭlajecca kampjutarnaj madellu, što apracoŭvaje šmathadovyja danyja nazirańniaŭ (radyjazondavych, avijacyjnych i inš.) za roznymi charaktarystykami atmaśfiery.
Novyja viedy, jakija navukoŭcy atrymali ŭ vyniku vialikaje pracy, dazvalajuć bolš dakładna praanalizavać pryčyny i nastupstvy pracesaŭ, jakija adbyvajucca ŭ Paŭnočnym Ledavitym akijanie.
U pryvatnaści, jak miarkujuć daśledčyki, kali dosyć vialikaja vobłaść Arktyki akazvajecca nie pakrytaja lodam, mahčymy ŭvarvańni chałodnaha i vilhotnaha pavietra na terytoryju Jeŭropy.
U apošni čas takaja situacyja nazirajecca ŭsio čaściej i čaściej dy stanovicca pryčynaj anamalij nadvorja. Apošnim dokazam hetaha stała nietypova chałodnaje leta 2017 hoda.