U suviazi ź pierachodam krain ES i Ukrainy na zimovy čas źmianiajecca raskład ciahnikoŭ
U suviazi ź pierachodam u noč z 28 na 29 kastryčnika ŭ susiednich krainach na «zimovy» čas Biełaruskaja čyhunka sumiesna z čyhunačnymi administracyjami Ukrainy, Litvy, Łatvii i Polščy zahadzia praviała karekciroŭku raskładu ruchu mižnarodnych ciahnikoŭ, paviedamili ŭ pres-słužbie BČ.
Naprykład, ciahnik № 86 Minsk—Kijeŭ, jaki ŭ ciapierašni čas adpraŭlajecca sa stalicy Biełarusi ŭ 22.40 i prybyvaje ŭ Kijeŭ u 8.40, z 29 kastryčnika budzie adpraŭlacca ź Minska ŭ toj ža čas i prybyvać u Kijeŭ u 7.52. U zvarotnym kirunku ź pierachodam na «zimovy» čas ciahnik budzie adpraŭlacca ŭ 21.06 (u ciapierašni čas adpraŭlajecca ŭ 22.10), čas prybyćcia ŭ stalicu Biełarusi zastaniecca bieź źmianieńniaŭ — 8.38.
Čas adpraŭleńnia ź Minska ciahnika № 805 Minsk—Vilnia paśla pierachodu na «zimovy» čas zastaniecca bieź źmien — 8.00, ale prybyvać u Vilniu sastaŭ budzie na hadzinu raniej — u 09.30 (siońnia — u 10.30). U zvarotnym kirunku ciahnik № 806 Vilnia—Minsk budzie adpraŭlacca ŭ 18.10 (siońnia — u 19.10), čas prybyćcia ŭ stalicu zastaniecca bieź źmianieńniaŭ — 21.40.
Paśla 29 kastryčnika taksama źmienicca raskład ruchu ciahnika № 87 Minsk—Ryha — sastaŭ budzie adpraŭlacca ź Minska ŭ 22.26 bieź źmianieńniaŭ (čas prybyćcia ŭ Ryhu źmienicca z 10.10 na 09.00); u zvarotnym kirunku ciahnik № 88 budzie adpraŭlacca z Ryhi ŭ 19.20 (ciapier 20.00) i prybyvać u stalicu Biełarusi bieź źmianieńniaŭ ŭ 7.50.
U ciahniku № 9 Maskva—Varšava bieśpierasadačny vahon Minsk-Varšava, jaki ŭ ciapierašni čas adpraŭlajecca sa stalicy Biełarusi ŭ 23.43 i prybyvaje ŭ Varšavu ŭ 7.50, z 29 kastryčnika budzie adpraŭlacca ź Minska ŭ 00.43 i prybyvać u Varšavu bieź źmianieńniaŭ ŭ 7.50. U zvarotnym kirunku z Varšavy čas adpraŭleńnia z 29 kastryčnika zastaniecca raniejšym — 15.50, a čas prybyćcia ŭ stalicu Biełarusi źmienicca z 2.48 na 3.50.
Paśla pierachodu na «zimovy» čas taksama źmienicca čas adpraŭleńnia i prybyćcia ciahnikoŭ mižnarodnych znosin, što iduć tranzitam pa terytoryi Biełarusi ŭ krainy Zachodniaj Jeŭropy i ŭ zvarotnym kirunku. Akramia taho, u suviazi sa źmienami ŭ hrafiku ruchu mižnarodnych ciahnikoŭ skarektavany i raskład niekatorych ciahnikoŭ rehijanalnych i mižrehijanalnych linij, jakija kursujuć pa terytoryi Biełarusi.
Padrabiaznuju infarmacyju ab raskładzie inšych mižnarodnych ciahnikoŭ, ciahnikoŭ rehijanalnych i mižrehijanalnych linij možna atrymać na sajcie Biełaruskaj čyhunki rw.by, a taksama ŭ čyhunačnych kasach i pa telefonach daviedačnych słužbaŭ.