Rasija padoŭžyła pradastaŭleńnie prytułku Janukoviču jašče na hod
Upraŭleńnie pa pytańniach mihracyi hłaŭka MUS Rasii pa Rastoŭskaj vobłaści padoŭžyŭ termin dziejańnia paśviedčańnia ab pradastaŭleńni časovaha prytułku eks-prezidentu Ukrainy Viktaru Janukoviču da 26 kastryčnika 2018 hoda. Heta paćvierdziŭ «Kommiersantu» advakat Janukoviča Vital Siardziuk.
Pavodle danych sajta, termin dziejańnia dakumienta, atrymanaha ŭ kastryčniku 2015 hoda, zakančvaŭsia 26 kastryčnika 2017 hoda. Pry hetym nijakich inšych dakumientaŭ dla lehalnaha znachodžańnia ŭ Rasii ŭ Viktara Janukoviča niama. Źviestak ab atrymańni im rasijskaha hramadzianstva, vidu na žycharstva abo ahulnahramadzianskaha pašparta niama ni ŭ adnym z ulikaŭ MUS.
«Pryčynami, jakija stali padstavaj dla prytułku, źjaŭlajucca palityčny pieraśled i pahroza žyćciu na terytoryi Ukrainy. Jany nie adpali, u suviazi z čym i byŭ padoŭžany termin dziejańnia dakumienta»,— patłumačyŭ advakat. Pavodle jaho słoŭ, varyjanty nabyćcia hramadzianstva abo dazvołu na žycharstva ŭ Rasii spadar Janukovič nie razhladaje. «Tolki časovy prytułak da viartańnia na terytoryju Ukrainy»,— padkreśliŭ Vital Siardziuk.