Tom Džons: Damahańni ŭ muzyčnaj industryi — zvyčajnaja sprava
Znakamity śpiavak Tom Džons zajaviŭ, što prystavańnie i złoŭžyvańni słužbovym stanoviščam, jakija, jak mnohija ciapier kažuć, šyroka raspaŭsiudžanyja ŭ Halivudzie, źjaŭlajucca štodzionnaj spravaj i ŭ śviecie muzyki. Pavodle jaho słoŭ, tyja abvinavačvańni, jakija hučać ciapier, mahčyma, varta było vykazać jašče šmat hadoŭ tamu.
Śpiavak abmierkavaŭ abvinavačvańni ŭ adras Charvi Vajnštejna u hutarcy z karespandentam VVS.
«Usio toje ž samaje adbyvajecca i ŭ hukazapisvalnaj industryi», — zajaviŭ jon.
«Zaŭsiody byli ludzi, jakija raskazvali, što ich schilali da ŭsiakich małapryjemnym rečaŭ dziela zapisu alboma, sapraŭdy hetak ža, jak inšych — dziela zdymak u filmie», — skazaŭ Tom Džons.
Na pytańnie, ci davodziłasia jamu sutykacca ź niečym padobnym, jon adkazaŭ: «Tak. U pačatku majoj karjery — tak».
«Było niekalki takich situacyj. Ale ty paźbiahaješ ich, prosta sychodziš… Ale z usim, z čym prystajuć da žančyn, prystajuć i da mužčyn taksama».
Tom Džons raspavioŭ, što toje, z čym jamu daviałosia sutyknucca na pačatku karjery, było jamu vielmi niepryjemna.
«Ale potym ty dumaješ: ja prosta pavinien trymacca ad hetaha čałavieka dalej, tak nie pavinna być».
«Treba zrazumieć: ty nie abaviazany zhadžacca, tolki tamu, što tabie zdajecca — «ja vymušany pajści na heta». Vaš rozum padkaža vam pravilnaje rašeńnie. Heta spraviadliva nie dla adnaho šou-biznesu, ale dla luboj śfiery vašaj žyćcia».
Jon taksama dadaŭ: «U hetym biznesie zaŭsiody byli ŭpłyvovyja ludzi, jakija karystalisia svaim słužbovym stanoviščam. Ale nie ŭsie takija, jość i dobryja ludzi».
Adkazvajučy na pytańnie ab ułasnym dośviedzie, jon skazaŭ: «Ničoha strašnaha nie zdaryłasia. Kali da mianie źviarnulisia z hetym… Mnie prosta zadali pytańnie, i ja skazaŭ: «Nie, dziakuj».
U chodzie intervju śpievaka spytali ab sieryi abvinavačvańniaŭ suprać prykmietnych fihur u kinaindustryi, jakija źjavilisia ŭ apošnija dni.
Jon adkazaŭ, što takoje zdarajecca ŭ šou-biznesie, i takija rečy padoŭhu chavajuć, ale kali jany vychodziać na śviatło — inšyja ludzi adrazu ž pačynajuć raspaviadać padobnyja historyi. «Heta jak vypuścić džyna z butelki», — skazaŭ Džons.
«Toje, što ciapier vykryvajecca, — mahčyma, pra heta treba było havaryć jašče šmat hadoŭ nazad, chto viedaje. Ale taki šou-biznes: ty ŭvieś čas na publicy i pavinien zachoŭvać dobruju minu».
«Ale spraviadlivaść usio roŭna pieramoža. Kali ty praviniŭsia — ty pavinien zapłacić za heta. Abo dakazać, što ty nievinavaty».