Dziaržpahrankamitet Biełarusi nie kamientuje vykazvańnie MUS Rasii ab pahraničnych pastach
U Dziaržpahrankamitecie Biełarusi nie kamientujuć vykazvańni pieršaha namieśnika kiraŭnika MUS Rasii Alaksandra Haravoha ab mahčymych pahraničnych pastach na miažy ź Biełaruśsiu, piša BiełTA.
«Pres-słužba Dziaržaŭnaha pamiežnaha kamiteta Biełarusi nie kamientuje vykazvańnie pieršaha namieśnika ministra ŭnutranych spraŭ Rasii», - skazaŭ aficyjny pradstaŭnik Dziaržaŭnaha pahraničnaha kamiteta Anton Byčkoŭski.
Siońnia stała viadoma, što Rasija hatovaja ŭstanavić časovyja pamiežnyja pasty na miažy ź Biełaruśsiu na čas praviadzieńnia čempijanatu śvietu pa futbole 2018 hoda. Pra heta zajaviŭ pieršy namieśnik ministra ŭnutranych spraŭ Rasii Alaksandr Haravy. «Kali my nie ŭnifikujem mihracyjnaje zakanadaŭstva i nie piarojdziem na adzinuju mihracyjnuju kartu da sakavika, uradam RF papiarednie prapracavana pytańnie ab uviadzieńni časovych pahraničnych pastoŭ jak na aŭtatrasie, tak i na čyhuncy biez spynieńnia pasažyrskich ciahnikoŭ», — skazaŭ jon.