«Ja sam va ŭsim vinavaty»: 16-hadovy liceist BDU skončyŭ žyćcio samahubstvam
Cieła 16-hadovaha padletka z prykmietami padzieńnia z vyšyni znojdziena siońnia ŭ Minsku, paviedamiła BIEŁTA aficyjny pradstaŭnik SK Julija Hančarova.
Incydent adbyŭsia kala doma, dzie padletak žyŭ.
«Na miescy zdareńnia, dzie z prykmietami padzieńnia z vyšyni było znojdziena cieła 16-hadovaha padletka, pa papiaredniaj infarmacyi, navučenca liceja BDU, pracuje śledča-apieratyŭnaja hrupa ŭpraŭleńnia SK pa Minsku», — prainfarmavała Julija Hančarova.
Viadoma, što chłopca zvali Hleb. Jamu było 16 hadoŭ. Hleb vučyŭsia ŭ 11 kłasie, profil — fizika.
Na svajoj staroncy Ukantakcie junak pakinuŭ status «Ja sam va ŭsim vinavaty».
Pra chłopca navučency kažuć, što vučyŭsia narmalna, to bok trahiedyja naŭrad ci źviazanaja z vučobaj. Toje ž paŭtaraje i administracyja. Darečy, padrabiaźniej kamientavać zdareńnie ŭ administracyi liceja pakul admaŭlajucca.
***