Biełarus zapłacić 35 tysiač rubloŭ štrafu za sprobu dać chabar supracoŭniku FSB
Rasijskija ŚMI paviedamlajuć, što ŭ Smalenskaj vobłaści asudžany hramadzianin Biełarusi, jaki sprabavaŭ dać chabar supracoŭniku FSB Rasii. Biełarus źjaŭlajecca dyrektaram kamiercyjnaj kampanii, jakaja zajmajecca pieravozkami. U Rasiju jany vieźli jabłyki ź Jeŭrasajuza, jaki padpadajuć pad rasijskija sankcyi.
Adnak u dakumientach na pieravozku značylisia zusim nie jabłyki, a vinny hazavany napoj, jaki ŭvozić u Rasiju možna. U vyniku furu zatrymali niedaloka ad trasy M-1 «Maskva — Brest». Dyrektar, kali daviedaŭsia pra zatrymańnie, prapanavaŭ supracoŭnikam FSB chabar u pamiery 10 tysiač jeŭra. Praź niekalki dzion biełarus byŭ zatrymany rasijskimi siłavikami pry sprobie dačy chabaru. U vyniku jon va ŭsim pryznaŭsia.
U vyniku hramadzianin Biełarusi asudžany pa artykule 291 č.4 KK RF («Dača chabaru ŭ bujnym pamiery). Sud prysudziŭ jamu štraf u pamiery 1 miljona rasijskich rubloŭ. Heta kala 35 tysiač biełaruskich rubloŭ.