ŚMI: Prync Hary i Miehan Markł paženiacca nastupnym letam
U 2018 hodzie płanujuć zaklučyć zakonny šlub brytanski prync Hary i amierykanskaja aktrysa Miehan Markł, paviedamlaje šerah ŚMI.
Na dadzieny momant Kiensinhtonski pałac nie daŭ aficyjnaha paćvierdžańnia hetaj infarmacyi, adnak insajdary śćviardžajuć, što prync Hary i Miehan nie tolki zaručanyja, ale i pryznačyli dakładnuju datu viasielnaj cyrymonii. Nibyta ŭračystaje mierapryjemstva adbudziecca letam budučaha hoda, u pałacy ŭžo pačałasia padrychtoŭka.
Hello
Kažuć, 33-hadovy Hary nie choča ładzić pyšnuju ŭračystaść, jakaja było ŭ jaho brata Uiljama — z žyvoj tranślacyjaj na ŭvieś śviet, a nastrojeny arhanizavać bolš intymnuju i ramantyčnuju cyrymoniju.
Pa čutkach, na minułym tydni 36-hadovaja Miehan atrymała kančatkovaje «ŭchvaleńnie» ad babuli svajho bojfrenda — Lizaviety II. Adnak viadoma, što karalevie nie padabajecca, jak dziaŭčyna jaje ŭnuka apranajecca i pavodzić siabie na publicy. Miehan adroźnivajecca naravistym charaktaram, i joj budzie nialohka padładžvacca pad strohi etykiet karaleŭskaha pałaca.
Global Look Press
Hary i Miehan sustrakajucca ź viasny 2016 hoda. Para paznajomiłasia na adnym z dabračynnych mierapryjemstvaŭ. Miehan aktyŭna zajmajecca dabračynnaściu z 20 hadoŭ, ustupiŭšy ŭ arhanizacyju dapamohi dzieciam z prablemnych rehijonaŭ.