Himnastka Taćciana Hucu: «Ja škaduju, što nazvała imia Vitala Ščerby»
Ukrainskaja himnastka, dvuchrazovaja alimpijskaja čempijonka Taćciana Hucu niekalki tydniaŭ tamu ahučyła, što jaje ŭ 15-hadovym uzroście zhvałtavaŭ lehienda biełaruskaha sportu Vital Ščerba. Biełarus usio jašče nie vychodzić na suviaź sa ŚMI i nie daje kamientary. A voś Hucu parazmaŭlała z žurnalistami ŭkrainskaha telekanału 1+1.
Hucu, jak i Ščerba, ciapier žyvie ŭ ZŠA, jana była na internet-suviazi z Kijevam.
«U paryvie adčaju ja nazvała imia čałavieka, ź jakim źviazanaja hetaja situacyja. Ja škaduju, što nazvała jahonaje imia, — adrazu skazała eks-himnastka. — Sprava ŭ tym, što heta było šmat hadoŭ tamu i ja spadziajusia, što jon staŭ inšym čałaviekam. I hetaja strašnaja pamyłka — vyklučeńnie z praviłaŭ jaho žyćcia», — skazała eks-himnastka.
Hucu raskazała, što ź joj pracujuć psichołahi. «Čatyry hady tamu ja pazvaniła Vitalu i skazała, što viedaju, što ty sa mnoj zrabiŭ u 1991 hodzie. Na heta jon mnie adkazaŭ, što mnie nikoli ŭ žyćci nichto nie pavieryć».
Žurnalisty cikavilisia, ci padała jana ŭ sud na Ščerbu. «Nie mahu kamientavać».
«Dzieści hod tamu hety čałaviek [Vital Ščerba — «NN»] źviazvaŭsia sa mnoj, chacieŭ być frendam na fejsbuku, dvojčy. Ja dvojčy vydalała hetuju zajaŭku. Hety čałaviek prynios mnie šmat bolu», — kaža jana, nie nazyvajučy imia Vitala.
«Mianie abvinavačvajuć, što ja zrabiła heta dziela pijaru, hrošaj ci karjery ŭ Halivudzie. Heta absalutna nie tak — heta było spantannaje rašeńnie, vyklikanaje pieražyvańniami», — dzielicca žančyna.
***