Rasija raspracoŭvaje prajekt budaŭnictva AES u kosmasie
Dziaržkarparacyja «Raskosmas» zamoviła ŭ kanstruktarskaha biuro «Arsienał» raspracoŭku arbitalnaj atamnaj elektrastancyi, zdolnaj z dapamohaj łaziernaha promnia pieradavać enierhiju na adlehłaści dla padzaradki inšych spadarožnikaŭ.
Ilustracyjny malunak
Zhodna z dakumientam, raspracoŭščyk pavinien pradstavić prajekt AES, a taksama varyjanty jaje raźmiaščeńnia na arbicie Ziamli i schiemy zapusku ŭ kosmas.
Pry hetym užo zaraz navukovaja supolnaść raskałołasia na dźvie častki: adny padtrymlivajuć ideju budaŭnictva novaha abjekta na kalaziamnoj arbicie, inšyja ž krytykujuć hetuju ideju.
Prychilniki budaŭnictva AES kažuć, što ideja źjaŭlajecca vielmi pierśpiektyŭnaj i daje mahčymaść «płanavać budučyniu na niekalki krokaŭ napierad» u płanie asvajeńnia kosmasu.Takija kaśmičnyja abjekty akažuć istotnuju dapamohu pry pieramiaščeńni kaśmičnych aparataŭ za miežy Soniečnaj sistemy i ŭnutry jaje.
Krytyki ž nazyvajuć zatraty na budaŭnictva AES na arbicie nieabhruntavana vysokimi, prapanoŭvajučy i dalej asvojvać vykarystańnie soniečnych batarej i inšych krynic alternatyŭnaj enierhii dla siłkavańnia kaśmičnych abjektaŭ.