Prahnoz: na Alimpijadzie-2018 Biełarusi śviecić usiaho adzin miedal, bronzavy
Kampanija Gracenote, jakaja śpiecyjalizujecca ŭ prahnozach, za sto dzion da pačatku alimpijady apublikavała virtualnuju miedalnuju tablicu Pchienčchana 2018.
Tablica bazuje na vynikach spartoŭcaŭ za apošnija hady, uklučajučy alimpijadu Sočy-2014.
Virtualnaja miedalnaja kłasifikacyja Pchienčchanu-2018
Prahnazujecca, što ŭ miedalnym zaliku pieramoža Hiermanija (35 miedaloŭ), Narviehija - 2-ja (32), ZŠA - 3-i (29), Biełaruś vyjhraje 1 bronzavy miedal i stanie 27-y ŭ ahulnym zaliku. Adziny miedal dla Biełarusi vyjhraje frystajlist Anton Kušnir.
Bolš za ŭsio miedaloŭ na Hulniach pavodle prahnozu voźmuć niamieckaja bijatłanistka Łaŭra Dalmajier (5 załatych, 1 siarebrany, 0 bronzavych), francuzski bijatłanist Marten Furkad (4-1-0), narviežski łyžnik Marcin Jonsrud Sundbiu (3-1-0), aŭstryjski harnałyžnik Marsel Chiršer (3-0-0), hałandski kańkabiežac Śvien Kramier (3-0-0) i amierykanskaja kańkabiežka Chizer Bierhsma (2-0-1).