Byłaja kiraŭnica Yahoo abvinavaciła «rasiejskich ahientaŭ» va ŭzłomie 3 miljardaŭ akaŭntaŭ kampanii
Byłaja kiraŭnica amierykanskaj kampanii Yahoo Marysa Majer abvinavaciła rasiejskich ahientaŭ va ŭzłomie troch miljardaŭ akaŭntaŭ, paviedamlaje Reuters.
Na pasiadžeńni Majer vybačyłasia za ŭzłom, jaki zakranuŭ usie akaŭnty karystalnikaŭ Yahoo ŭ 2013 hodzie, pra što stała viadoma tolki niadaŭna.
Čytajcie: U Yahoo skrali 3 miljardy parolaŭ — heta najbujniejšy vypadak kradziažu ŭ historyi
«Hetyja ŭzłomy adbylisia padčas majho kiraŭnictva, i jak kiraŭnik kampanii ja chaču prynieści ščyryja prabačeńni kožnamu našamu karystalniku. Našyja miery dapamahli abaranicca ad pryvatnych i prafinansavanych dziaržavaj napadaŭ, adnak, na žal, rasijskija ahienty pranikli ŭ našy sistemy i skrali dadzienyja karystalnikaŭ», — skazała Majer.
Upieršyniu Yahoo paviedamiła pra hety ŭzłom u 2016 hodzie. Tady kazali ab adnym miljardzie ŭzłamanych akaŭntaŭ. Pra try miljardy kampanija raspaviała tolki ŭ kastryčniku 2017 hoda.
Chakiery mahli atrymać dostup da imionaŭ, a taksama paroli, adrasy elektronnaje pošty, numary telefonaŭ i daty naradžeńnia karystalnikaŭ Yahoo. Da kastryčnika hetaha hoda suprać kampanii byŭ padadzieny 41 pazoŭ, jaki tyčycca masavaha ŭzłomu.