Pad kaniec hoda rost ekspartu ŭ Biełarusi zapavoliŭsia
U studzieni-vieraśni 2017 hoda biełaruski ekspart tavaraŭ i pasłuh vyras na 18,2% da anałahičnaha pieryjadu 2016 hoda, da 26,025 młrd dalaraŭ. Pry hetym u vieraśni ekspart byŭ nižejšym za žnivieński na 1,5%. Salda handlu tavarami i pasłuhami pa vynikach dzieviaci miesiacaŭ skaraciłasia na 10,3%, da 432,6 młn dalaraŭ, paviedamlaje Nacbank.
Impart tavaraŭ i pasłuh u studzieni-vieraśni vyras na 18,9% da anałahičnaha pieryjadu minułaha hoda, da 25,592 młrd.
Ekspart tavaraŭ za dzieviać miesiacaŭ vyras na 20,6%, da 20,488 młrd dalaraŭ, impart - na 21,4%, da 22,214 młrd. Salda pa tavarach skłałasia admoŭnaje ŭ pamiery 1,726 młrd dalaraŭ, što na 30,9% bolš, čym za anałahičny pieryjad minułaha hoda.
Pry hetym u vieraśni ekspart tavaraŭ źniziŭsia na 2,1% da žniŭnia - za miesiac za miežami krainy realizavana tavaraŭ na 2,414 młrd dalaraŭ, što na 18,6% bolš, čym u vieraśni minułaha hoda.
Salda handlu pasłuhami pa vynikach studzienia-vieraśnia akazałasia stanoŭčym - 2,159 młrd dalaraŭ, pakazčyk anałahičnaha pieryjadu minułaha hoda pieraŭzydzieny na 19,8%. Ekspart pasłuh vyras na 10,1%, da 5,537 młrd dalaraŭ. Impart vyras na 4,7%, skłaŭšy 3,378 młrd dalaraŭ.